Berkat Pengasih Petara Dlm PengidupKu

Enda berasai nyau udah ujung bulan June, reti nyau udah lebus setengah taun 2008.


Maioh amai utai udah lalu dalam pengidup aku bepun Jan'08 bisi nya utai ti badas mai pengaga dalam pengidup aku, kelebih agi ba batang pengawa ti udah ditangkup aku ari sept'07 sampai kemaia tok. Puji Tuhan laban ketegal pemanah utai ti udah diberi Iya ka aku, pengering ati ti enda kala putus ulih Iya seruran enggau aku. Berkat penemu ti diberi ka aku ngambi aku bulih pengidup ti menyana, ngangkat ka pengidup diri & sebilik ngambi sama singkang sama mansang baka urang bukai ti mujur dalam pengidup :'-(


Bisi utai ti 'gagal' dikereja aku dalam pengidup. Kadang putus runding bekenang..arap aku ulih angkat baru tauka ngiga pejalai baru ti tau mai aku mansang... Saup aku Tuhan...


Bri meh penerang dalam setiap pejalai aku, enti aku labuh teterap tetingkap Nuan ngangkat ka aku baru. Tuhan.. nuan lebih agi nemu tunga pendiau pengidup aku.. Iring aku selalu Tuhan. Semina ari Nuan aja mai pengering ba aku.


Enti bisi jaku urang ti sengaja ngemedis ati aku, ngasuh ati ku ensiban.. Tan ka ati enggau runding aku Tuhan ngambi ka enda mending ka jaku ti enda menuku. Jauh ka aku ari nunda jaku ti enda beradat..selalu ingat ka pemanah budi bahasa laban apai indai nadai ngajar utai ti jaik, kepapas, dengki enggau urang bukai.
Siru kediri tudah aku ngenang pengidup diri.
Siru ngenang masa-masa aku ti ngati ka pengidup udah berjauhan enggau diri sebilik kelebih agi Mak enggau Apak.
Pengasih sereta Penyayau aku ka seduai sigi enda chukup dipadah ngena leka jaku aja.


Pengudah berandau ba talipon enggau mak malam ngasuh aku enda ulih ninduk ka diri.
Jaku randau mai pengerindu ngubat ati aku ditu. Neritik ai mata... berunding aku kada Mak enda tinduk baka aku benung ngingat ka aku ditu :'-( baka ati aku ti kelalu lelengau ka iya.
Nadai pengasih bukai ti bendar kelimpah ari Pengasih Petara ti enda putus ngering ka aku.. Nadai pengasih bukai ti lebih ari Pengasih diri Sebilik kelebih agik ari Emak enggau Apak ari ada sampai umur 25taun kediatu. Pengasih serta pengerindu ti nadai berubah dalam idup ku.



Because Of You... My Life..
I Has Been Blessed